AKİA-ya təqdim olunan biznes planlar 

Azərbaycan Respublikasının Kənd Təsərrüfatı Nazirliyi yanında Aqrar Kredit və İnkişaf Agentliyi aqrar bölmənin inkişafı layihələrinin və kənd təsərrüfatı istehsal vasitələrinə verilən güzəştlərin maliyyələşdirilməsinə yönəldilir. Kənd təsərrüfatı istehsal vasitələrinə kənd təsərrüfatı texnikası, texnoloji avadanlıq, suvarma sistemləri dəsti və avadanlığı, damazlıq heyvanlar daxil edilir.

 

1. Mikrokreditlə üçün 15 000 manatadək 3 il müddətinə ayırılır  və 12 ayadək güzəştlə kredit verilir.
2. Kiçikhəcmli kreditlərə 15 000 – 30 000 manatadək vəsait 3 il müddətinə ayrılmaqla 18 ayadək güzəşt verilir.
3. Ortahəcmli kreditlər üçün 30 000 – 100 000 manatadək 3 il müddətinə ayırılır və 18 ayadək güzəştlə verilir.
4. İrihəcmli kreditlər 100 000 – 200 000 manatadək vəsait 5 il müddətinə ayrılmaqla 24 ayadək güzəşt verilir.
5. Kənd təsərrüfatı istehsal vasitələrinin alınması üçün vəsait 1000000 manat təşkil edir və 5 il müddətinə ayırılır.

 

Qeyd: Damazlıq heyvanlar üçün isə 3 il müddət qoyulur və digər kənd təsərrüfatı istehsal vasitələri üçün kreditlərə güzəşt müddəti şamil edilmir.

Mikrokreditlər 12 faizdən, digər güzəştli kreditlər üçün isə 7 faizi keçməmək şərti ilə ayırılır.

AKİA vəsaitləri hesabına güzəştli kreditlərin alınması məqsədilə sahibkarlıq subyektləri tərəfindən təqdim edilən investisiya layihələrinin tərtib edilməsinə dair minimal tələblər irəli sürülmüşdür. Bu tələblərə görə biznes planlar aşağıdakı strukturda və ardıcıllıqda tərtib edilməlidir:

      Mündəricat:

1. Titul vərəqi
2. Borcalan (sahibkarlıq subyekti) haqqında məlumat
3. İnvestisiya layihəsinin məqsədi
4. Təşkilati plan
5. İstehsalı nəzərdə tutulan məhsulun (iş və xidmətin) və satış bazarının xarakteristikası
6. İstehsal planı
7. Risklərin qiymətləndirilməsi
8. Maliyyə planı
9. Kreditin ödənmə qrafiki
10. İnvestisiya layihəsinin səmərəliliyinin qiymətləndirilməsi

 

Kreditlərin ayrılması və güzəştlərin verilməsi məqsədi ilə müvəkkil təşkilata rəsmi qaydada müraciət edilməlidir. Burada müvafiq təsdiq sənədi təqdim edilməklə qeydiyyata alınır  və müraciətə baxılır və tələblər və qiymətləndirmə meyarları əsasında təhlil edilərək  müraciətin qeydiyyata alındığı tarixdən 15 iş günündən gec olmayaraq kreditin və ya güzəştin ayrılıb ayrıla bilməyəcəyi  barədə qərar qəbul olunur. Bununla bağlı rəsmi məlumat göndərilir.

 

Biz yalnız biznes plan tərtib etməklə kifayətlənmirik, eyni zamanda sifarişçinin ideyasını reallaşdırması üçün aşağıda sadalanan xidmətlərlə köməklik göstəririk:

• Layihələndirilən obyektin baş planının nümunəsi tərtib edilməsində sizə kömək edirik.
• Kompleksin tələb etdiyi tikintilər üzrə tələbatlar, normativ və digər xidmətləri təklif edirik.
• Sifarişçi adından elektron vasitələrlə satıcı təşkilat ilə yazışmalar edir və danışıqlar aparırıq.
• Alınası avadanlıqlar üzrə şəkil, texnoloji sxem və texniki göstəricilər əldə edirik.
• Tikiləsi obyektlər üzrə layihə nümunəsi axtarıb tapırıq və istifadə üçün sizə təqdim edirik.
• Biznes planın əlavəsində istifadə edilə biləcək təklif, sxem və layihələr əldə edirik və sifarişçi bunları öz adına olan təklif kimi göstərə bilir.
• Müvafiq biznesin qurulması və ya işin gedişatında ehtiyac duyulacaq lazımi avadanlıqların təchizat xidmətini göstəririk.

Niyə məhz bizi seçməlisiniz?

• Avropa Yenidənqurma və Inkişaf  Bankının  “Azərbaycanda Kiçik Bizneslər üçün Məsləhət Proqramı”nın akkreditasiyasını almış şirkət;
• Biznes planların Azərbaycanda olan Banklar və Fondlar tərəfindən qəbul olunması;
• Biznes plan hazırlanmasında 30 ildən artıq təcrübə;
• Hər bir biznes sahəsində biznes plan tərtibi üzrə təcrübəyə sahibik;
• Əməkdaşlarımızın bilik və təcrübəsinə əminik. Onların hər biri öz işinin yüksək səviyyəli peşəkarlarıdırlar;